好凍,好迫,好sweet

近排天氣咁凍,係屋企時候既指定動作就梗係 - 攤係梳化,"come"住條被,剩係突個頭出黎睇電視啦

係呢個moment亞爽就會跳上黎搓被被,搓到攰就會埃住我pat pat或對腳黎瞓

跟住到亞曳,佢最鍾意係我個身上面行黎行去,邊行邊搓,不過,亞曳你好重喎,想踩扁亞B咩,乖啦,就咁蹼係側邊瞓啦,同你"r"頸頸喇

Latte好奇怪,見我"come"被先會走上黎,佢最鍾意係我心口位置團團轉加搓被被之後瞓低,又要我"r"頸,不過我諗佢怕熱,因為每次都唔會停留好耐就走咗去地下做乳豬全體

妃妃見到有小小位都會攝埋上黎,轉一輪啱位就瞓低肚仔向天,要我搓佢肚仔摸心口"r"頸頸,佢就梗係好enjoy咁咪埋眼伸左手伸右搓空氣lor

貓王最多會蹼係茶几或者梳化椅背望住我,貓王仔,你嗲D得唔得,媽媽好想你嗲下喎

XX見到咁情形就會話 : 你地霸晒得啦

我就會好似D貓咁眼尾望佢一下算